Ag Teastáil:

• Píosa cárta nó páipéir
• Rialóir
• Siosúr
• Peann agus pinn daite
• Rud éigin ciorclach chun dathú timpeall air
• Peann luaidhe nó cipín

Treoracha

1. Tarraing ciorcal ar an gcárta agus gearr amach é agus roinn an ciorcal isteach ina pháirteanna cothroma, ceann le haghaidh gach dath den tuar ceatha.
2. Ansin gearr amach an ciorcal.

3. Tá ort gach páirt a dhathú isteach le gach dath sa tuar ceatha.

4. Déan poll i lár an chiorcail le peann luaidhe nó leis an gcipín agus brú tríd é chun rud éigin atá cosúil le caiseal (spinning top) a dhéanamh.

5. Anois don chuid spraíúil, tá ort an peann luaidhe a rothlú ar a phointe bairr, ar nós a dhéanfá le caiseal, sa chaoi go rothlaíonn an cárta timpeall an-sciobtha.

6. B’fhéidir go dtógfadh sé cúpla babhta ort chun é a fháil ag obair ach tabharfaidh tú faoi deara an chaoi a mbreathnaíonn an cárta bán nuair a rothlaíonn sé.

Agus cén chaoi a n-oibríonn sé?
De réir mar a rothlaíonn an cárta dathanna sách sciobtha ní féidir lenár súile gach dath a fheiceáil astu féin mar sin feiceann muid an seacht dath ag an am céanna agus breathnaíonn sé gur dath bán atá orthu – díreach ar nós solas na gréine!